Тараз қаласының полиция қызметкерлері қарақшылық дерегін ізін суытпай ашты. Бұл туралы Жамбыл облысы полиция департаментінің баспасөз қызметі мәлімдеді.
102 операторының пультіне облыс орталығының 29 жастағы тұрғыны жүгінді. Әйел, сағат 14:30 шамасында белгісіз адам оның үйіне кіріп, пышақпен қорқытып, жалпы сомасы 700.000 теңге тұратын алтын әшекейлерді ашық түрде ұрлап кеткенін хабарлады.
Сілтемеден толығырақ: https://www.youtube.com/shorts/fULii3eL-sU
Жедел-іздестіру іс-шаралары барысында полиция қызметкерлері 23 жастағы жергілікті тұрғынды ізін суытпай анықтап, ұстады. Ұсталған азамат кінәсін мойындады.
Аталған факті бойынша ҚР ҚК 192-бабы 3-бөлігі (қарақшылық) бойынша сотқа дейінгі тергеу басталды.
Заттай дәлелдемелер алынды. Бірқатар қажетті сараптамалар тағайындалды.
Қазіргі уақытта күдікті уақытша ұстау изоляторына қамалды.
Жамбыл облысы
