Алматы қаласы бойынша Сыбайлас жемқорлыққа қарсы қызмет сыбайлас жемқорлық қылмысын жасау күдігі бойынша «Ғылым ордасы» ШЖҚ РМК бас директоры мен сол мекеменің бас экономисін әшкереледі. Олар тиісті шартсыз мемлекеттік үй-жайларды жалға бергені үшін азаматтардан жүйелі түрде ақшалай сыйақылар алуда күдікке ілінді. Күдікті директор ұсталып, Алматы қаласының ПД-нің уақытша ұстау изоляторына қамалды. Күдіктілер өз кінәсін мойындады, тергеу амалдары жалғасуда. Күдіктілердің кінә деңгейі туралы түпкілікті шешімді сот шығарады.
Қазақстан Республикасының сыбайлас жемқорлыққа қарсы қызметі