ІІМ басшысы азаматтарды электрондық төлемдермен операциялар жасау кезінде қырағы болуға шақырды-деп хабарлады Жамбыл облысының полиция департаментінің баспасөз қызметі. Қашықтықтан сатып алу, онлайн-қызметтер тәжірибесін оқшаулау режимінде интернет-алаяқтардың саны(4,2 мыңға дейін) өсті. Ішкі істер министрінің айтуынша, Алматы қаласындағы ІІМ жанындағы киберқылмыспен күрес орталығы жалған-крипто-валюталарды сату арқылы 1,3 млрд.теңгеге 800-ге жуық азаматты алдағандарды анықтады.
Елдің бас полицейі сонымен қатар «Тиімді қарыз», «Гарант 24 Ломбард», «ESTATE Ломбард» шағын несие ұйымдары базасында қаржы пирамидаларының құрылтайшылары мен ұйымдастырушыларын ұстау бойынша жүргізіліп жатқан жұмыстар туралы хабардар етті. Министрдің ақпараты бойынша, компанияның 3 құрылтайшысы және өңірлік филиалдардың 25 басшысы ұсталды (7 – іздестіруде). Аталған қылмыстық іс ІІМ басшысының жеке бақылауында.
«Астарлы ақиқат» ақпарат агенттігі
