Журналистке қарақшылық шабуыл жасаған адам ұсталды. Бұл туралы Алматы қалалық полиция Департаменті Баспасөз қызметі мәлімдеді.
Қалалық криминалдық полицияның мәліметінше, жас әйелді тонады деген күдікпен 1990 жылы туылған Р.есімді азамат ұсталды, бұрын 6 рет қарақшылық шабуыл пен тонау фактісі бойынша сотталған.
«Жедел-іздестіру шаралары барысында қаскөй ұсталды. Р.есімді азаматтың қылмыстық әрекеті сериялық сипатқа ие екендігі анықталды: оның қаланың Медеу және Бостандық аудандары аумағында кем дегенде 5 ұқсас қылмысқа қатысы бар. Айғақты заттар тәркіленді. Ұсталған адам уақытша ұстау изоляторына қамалды», — Медеу аудандық полиция басқармасының басшысы полиция подполковнигі Дәурен Өтебаев.
Алматы қаласы
