Алматы қаласының Сыбайлас жемқорлыққа қарсы қызметі Алматы қаласы ПД ЖПБ Медеу аудандық полиция бөлімінің тергеушісі, полиция капитанына қатысты сотқа дейінгі тергеуді бастады. Бұл туралы ҚР Сыбайлас жемқорлыққа қарсы қызмет хабарлады. Ол алаяқтық және сеніп тапсырылған бөтен мүлікті жымқыру фактісі бойынша қылмыстық істі тоқтату үшін компания директорынан бұрын келісілген 30 000 АҚШ долларының 26800 доллары сомасында пара алуда күдікке ілінді.