Павлодар облысының Сыбайлас жемқорлыққа қарсы қызметі Екібастұз қаласының жалпы орта білім беретін мектебінің директорына қатысты сыбайлас жемқорлық қылмыстық құқық бұзушылық жасау күдігі бойынша сотқа дейінгі тергеу жүргізді. Бұл туралы ҚР Сыбайлас жемқорлыққа қарсы қызмет хабарлады. Ол орыс тілі мен әдебиеті пәндері бойынша оқу сағаттарын бергені үшін мектеп кітапханасының меңгерушісінен заңсыз ақшалай сыйақы алуда күдікке ілінді. Тергеу аяқталды, айыпталушыны сотқа беру туралы мәселені шешу үшін іс материалдары прокуратураға жіберілді.
