Шымкент қаласы Полиция департаментінің қызметкерлерімен ағымдағы жылдың 20 қазанынан бастап 20 қарашасы аралығында қала аумағында «Қайыршы» жедел-профилактикалық іс-шарасы өтуде. Іс-шараның мақсаты- Шымкент қаласы аумағында тұрақты мекенжайы жоқ, қанғыбас, қайыршылықпен айналысып жүрген тұлғаларды анықтап, арнайы қабылдап-тарату орнына орналастыру, іздеуде жүрген, сондай-ақ есепте тұрған тұлғалардың тұрмыс-тіршілігін анықтау және тексеру, көші-қон заңнамасын бұзу жайттарын анықтау, қоғамдық тәртіп пен қауіпсіздікті қамтамасыз ету болып табылады.«Қайыршы» іс-шарасы барысында қайыршылық жасап жүргені үшін ҚР ӘҚБтК-нің 449-бабымен 242 әкімшілік хаттамалар толтырылды.Қабылдап-тарату орнына 45 тұлға жеткізілген. Бұл бағыттағы профилактикалық іс-шаралар өз жалғасын табады. Шымкент қаласы
