Полиция күзеті жыл соңына дейін бірқатар нысандардан алынады. Бұл туралы брифингте Ішкі істер министрі Ерлан Тұрғымбаев мәлімдеді.
Жақында Президент Жарлығына сәйкес ІІМ құрамынан Төтенше жағдайлар комитеті шығарылды. Штат саны, материалдық-техникалық база жаңадан құрылған Министрлікке берілгені туралы ҚР ІІМ жариялады.
«Жыл соңына дейін полиция күзетін 574 нысаннан алып тастау және күзет функцияларын бәсекелі ортаға беру жоспарлануда. Қазір арнайы Комиссия құрылып, желтоқсан айының соңына дейін ІІМ – ін бейінді емес функциялардан босату бойынша ұсыныстар әзірленетін болады», — деді ведомство басшысы.
