Пәтер аламын деп, ақшасынан айрылды-деп хабарлады, Шымкент қаласының полиция департаментінің баспасөз қызметі.
2021 жылдың 13-тамызында Абай АПБ-ның «102» нөміріне Түркістан облысының тұрғыны арызданды. Ол өз арызында, белгісіз тұлға «ОЛХ» интернет желісі арқылы пәтер көріп, аталған пәтерді алу мақсатында кепіл ретінде 330.000 теңге салып, алаяқтық жолмен алданып қалғанын жазып көрсеткен.
Абай АПБ Криминалдық полиция бөлімінің қызметкерлерімен «Anti-fraud» жедел-профилактикалық іс шара барысында Шымкент қаласының тұрғыны анықталып, жеткізілді. Ұсталған азаматтың басқа да қылмыстарға қатыстылығы анықталуда. Тексеру амалдары жүргізілуде.
Өз кезегінде, Шымкент қаласының полицейлері бейтаныс азаматтарға ақша бермеуге шақырады.
