Полиция қызметкерлері қылмыс орнында ұрлық жасаған жұпты қолға түсірді. Бұл туралы Алматы қаласының полиция департаментінің баспасөз қызметі мәлімдеді.
Криминалдық полицияның мәліметінше, оңай жолмен ақша табуды ұнатушылар кешкі сағат жеті жарымда бөтеннің үйіне кірген.
Олар сол жақтан шығып бара жатқан кезде ұсталды.
«Қаскөйлер бұл үйге кірмес бұрын оны сырттан бақылаған. Олар пәтердің немесе үйдің бос екеніне көз жеткізген кезде ғана ішке кірді: жиі кілтті таңдау және терезе арқылы. Ұстау кезінде күдіктілерден алтын бұйымдар мен басқа да әшекейлер тәркіленді. Олардың иесі материалдық шығынды жарты миллион теңгеге бағалаған. Тергеудің осы кезеңінде бұл «дуэт» жасаған үш пәтер ұрлығы анықталды, оның екеуі қаланың Түрксіб ауданында, тағы біреуі — Алмалы ауданында болды», — деді, Алматы қалалық полиция Департаменті бастығының орынбасары, полиция полковнигі Дидар Аханов.
Баяндамашының айтуынша, күдіктілер қамауға алынды.
29 жаста А.есімді азамат, бұрын мүліктік қылмыстар жасағаны үшін сотты болған, қылмыстық әрекеттердің тағы бір сыбайласы — 1981 жылы туған К.есімді азамат, бұған дейін қылмыстық жауапкершілікке тартылмаған.
Ұсталғандардың жеке басы басқа да заңсыз әрекеттерге қатысы бар-жоғына полиция жазбаларымен тексерілуде.
Алматы қаласы
