2023 жылғы 15 маусымда ҰҚК Өскемен қаласының ішкі істер органдарымен бірге өзара текетіресте жүрген екі қылмыстық топтың жоспарлап отырған кездесулерінің жолын кесті. Бұл туралы ҚР ҰҚК баспасөз қызметі хабарлады.
Операция барысында қала кафелерінің бірінде 20-дан аса қылмыстық топ қатысушылары ұсталды, кейбіреулері бұл жерге қаруларымен келген.
Күдіктілерден 2 «Макаров» тапаншасы, жарақаттаушы тапанша, мылтық, «тегіс ұңғылы шолақ мылтық», дауыс-жарқылды граната және 2 бірлік суық қару тәркіленді.
Жедел-тергеу іс-шаралары жалғасуда.
