Сот жүйесіндегі коррупцияның салдарынан қылмыскер бостандыққа шыққан – судьялар ұсталды. Бұл туралы «Астарлы ақиқат» ақпарат агенттігі жариялады Қырғызыстан ІІМ Баспасөз қызметіне сілтеме жасап.
Бұған дейін Қырғыз Республикасының Ічкі істер министрлігі 17 жастағы Айсулуу Мукашеваны зорлап, қатыгездікпен өлтірді деп күдікке ілінген, ерекше қауіпті қылмыскер 1984 жылы туған К.А. ұсталғанын хабарлаған.
Бұл қайғылы оқиға 2025 жылдың күзі бүкіл елді дүр сілкіндірді. Полиция қызметкерлерінің жедел әрекеттерінің нәтижесінде күдікті қолға түсті. Тергеу барысында оның бұл қылмыспен ғана шектелмей, тағы бірнеше ауыр қылмыстарға қатысы бар екені анықталған. К.А. жасаған қылмыстары бойынша бірнеше жас қыздың қаза табуына себеп болғанын мойындаған.
Сонымен қатар, тексеру кезінде бұл қылмыстар тізбегін 2015 жылы-ақ тоқтатуға болатыны белгілі болды. Сол жылы К.А. 21 жастағы қызды өлтіруге әрекеттенгені үшін ұсталып, оның кінәсі толық дәлелденген. Октябрь аудандық соты оны 12 жылға бас бостандығынан айыру туралы үкім шығарған. Алайда 2016 жылы Бішкек қалалық сотының судьялары – С.Б., Ж.М. және К.А., сондай-ақ прокурор Д.М. және қорғаушы С.Ж.-ның араласуымен Қырғыз Республикасының Қылмыстық-процестік кодексі талаптары бұзылып, жаза мерзімі жеңілдетілген. Нәтижесінде қылмыскер 3 жылдан кейін бостандыққа шыққан және қылмыстық әрекетін жалғастырған.
2025 жылдың күзіне қарай К.А. және оның жақын туыстары ауыр қылмыстан құтылуға мүмкіндік берген коррупциялық схеманың барлық мән-жайын толық ашып, кең ақпарат берген.
Жиналған материалдардың негізінде қорғаушы ұсталып, оған қатысты қамауға алу түріндегі бұлтартпау шарасы таңдалған. Судьялар кеңесі аталған судьяларды қылмыстық жауапкершілікке тартуға келісім беру туралы ұсынысты қолдады.
Қазіргі уақытта С.Б., Ж.М., К.А. судьяларына Қырғыз Республикасының Қылмыстық кодексінің 336-бабы (Коррупция) және 352-бабы (Сот әділдігіне қайшы үкім немесе өзге сот актісін шығару) бойынша айып тағылды. Сондай-ақ прокурор Д.М.-ға Қылмыстық кодекстің 336-бабы (Коррупция) бойынша айып жарияланды.
Бірінші Май аудандық сотының шешімімен айыпталушыларға қатысты қамауға алу бұлтартпау шарасы таңдалды.
Демек, сот жүйесіндегі коррупциялық әрекеттер Айсулунун және басқа жәбірленушілердің қайғылы өліміне тікелей себеп болған.
Тергеу жұмыстары жалғасуда.
Қырғызыстан Республикасы
