Ақтөбеде полиция қызметкерлері адасып қалған қызды ата-анасына аман-есен табыстады
Ақтөбеде полиция қызметкерлері адасып қалған қызды ата-анасына аман-есен табыстады. Таңғы уақытта патрульдік қызмет атқарып жүрген полиция қызметкерлері көшеде жалғыз жүрген алты жасар қызды байқап қалған. Бала жылап, ата-анасын іздеп жүрген. Анықталғандай, қыз аулада ойнап жүріп, байқамай көшеге шығып кеткен. Үйіне қайтар жолды таба алмай, абдырап қалған.
Полиция қызметкерлері баланы қауіпсіз жерге жеткізіп, оның ата-анасын іздеуге кірісті. Жақын маңдағы аулалар мен көшелер тексеріліп, көп ұзамай қыздың отбасы анықталды. Полицейлер баланы ата-анасына аман-есен табыстады. Оқиға барысында полиция қызметкерлерінің жедел әрі үйлесімді әрекеті баланың қауіпсіздігін қамтамасыз етуге мүмкіндік берді. Полиция ата-аналарға кішкентай балаларды қараусыз қалдырмауды ескертеді. Сондай-ақ балаға адасып қалған жағдайда полиция қызметкеріне немесе сенімді ересек адамға жүгіну керектігін алдын ала түсіндірген жөн.
Ақтөбе облысы
