11 қазан күні таңға жуық уақытта Абай облысы Полиция департаменті Жедел басқару орталығының инспекторы Селевина-Волгоградская көшелерінің қиылысында орналасқан бейнебақылау камералары арқылы теміржол көпірінің қоршауында тұрған адамды байқап қалады. Бұл туралы полиция қызметкері дереу патрульдік полиция батальонының экипаждарына хабарлайды.
Оқиға орнына бірінші болып 2-ші рота қызметінің инспекторлары келеді. Бауыржан Нұрғазынов ер адамды ұстап қалу үшін артқы жағынан рельстермен жүріп өтеді. Бауыржан Алдонгаров әңгіме барысында жігітті райынан қайтарады. Мән-жайды анықтау үшін ол Әуезов полиция бөліміне жеткізілді.
