Алматы қалалық полиция Департаменті, бұл деректің кеше түнде қаланың Әуезов ауданында орын алғанын хабарлайды. «102» пультіне Абай даңғылы мен Алтынсарин көшесінің қиылысында бес ер адамның төбелесіп жатқандығы туралы хабарлама келіп түскен.
—Қоңырауға бірінші болып учаскелік полиция инспекторлары әрекет етті, артынша патрульдік полицияның экипажы келді. Төбелесіп жатқандар тәртіп сақшыларына белсенді физикалық қарсылық көрсетті. Олар алкогольдік масаң күйде болды. Олар біздің бөлімшеге жеткізілді, аталған дерек бойынша ҚР ҚК-нің 293-бабына сәйкес сотқа дейінгі тергеу басталды- деп мәлімдеді Әуезов аудандық ПБ-на қарасты полиция бөлімінің бастығы Еділхан Байғараев.
Бейнежазба әлеуметтік желіден жүктелді
Алматы қаласы
