Қостанай полицейлері терезеден құлап кету қаупі туған 3 жасар баланы құтқарып қалды, – деп хабарлайды Polisia.kz.
Қостанайда полиция қызметкерлерінің жедел әрекеттерінің арқасында үйде жалғыз қалған және үшінші қабаттағы балконда тұрған баланы құтқаруға мүмкіндік туды. Кішкентай қыз қолын москит торына тіреген.
Бұны көрген куәгерлер “102” пультіне хабарлаған. Оқиға орнына дереу полиция патрулі, учаскелік инспектор және ювеналды полиция инспекторы келді.
Учаскелік полиция инспекторы Ілияс Қазбаев екінші қабаттағы пәтерге көтеріліп, патрульдік қызмет маманы Олжас Амришевке үшінші қабатқа көтерілуге көмектесті.
– Тез және жедел әрекет етіп, оқиға орнына келіп, бірден екінші қабат арқылы пәтерге кіруге шешім қабылдадық. Олжас Амришев көтерілгенде, ол құлап кете жаздаған сәт болды. Оны ұстап тұрғаны жақсы болды, – деді Ілияс Қазбаев.
Екінші патрульдік полиция қызметкері Владимир Кит осы уақыт ішінде серіктесін сақтандыру үшін балконның астында болды.
Пәтерге көтеріліп, полиция қызметкері қызды тыныштандырды. Сол кезде оның анасы да үйге келді. Ол қызын үйде жалғыз қалдырып, пәтерді жауып, дүкенге кеткен. Құтқару операциясын аула тұрғындары видеоға түсірді. Сол күні бейне әлеуметтік желілер мен қалалық жұртшылыққа таратылды .
Қостанай облысы ПД-ның баспасөз қызметі бұл полиция қызметкерлерінің мұндай жағдайда көмек көрсетуі бірінші рет емес екенін атап өтті. Ілияс Қазбаев полицияда 9 жылдан астам, Олжас Амришев полицияда үш жыл қызмет етеді. Осы уақыт ішінде полиция қызметкерлері төтенше жағдайда бірнеше рет әрекет етті. Мысалы, үш жыл бұрын Ілияс Қазбаев көпірден секіргісі келген қызды құтқарды.
Қазіргі уақытта анасымен профилактикалық әңгіме жүргізілді. Отбасын кәмелетке толмағандар ісі жөніндегі инспектор бақылауға алды.
Қостанай облысы
