Алматыда Нигерия азаматтары бар хостел анықталды. Бұл туралы Алматы қаласы полиция департаментінің басшысы Арыстангани Заппаров мәлімдеді.
Полиция мен қалалық ҰҚКД қызметкерлері Алматының Алмалы ауданында орналасқан хостелдердің бірінде 14 Нигерия азаматын анықтады.
Шетелдіктердің Қазақстан Республикасының аумағында болу мерзімдері өткені белгілі болды.
«Қабылданған шаралардың нәтижесінде ҚР-нан шығудан жалтарғаны үшін 12 шетелдік азамат әкімшілік жауапкершілікке тартылса, тағы 2 шетелдік ПД-ның қабылдап таратуына орналастырылды. Қазіргі уақытта қабылдаушы жеке және заңды адамдарды анықтау бойынша тиісті шаралар жүргізілуде», — деді, Алматы қалалық ПД Көші-қон қызметі Басқармасының бастығы, полиция полковнигі Асхат Бутунчинов.
Алматы қаласы
