Алматыда «синтетиканың» ірі партиясы тәркіленді.
Қаланың Алатау ауданында есірткі салынған екі көлік ұсталды.
Экстремизмге қарсы күрес бөлімшесінің қызметкерлерінің назарына 1995 және 1997 жылы туған екі ағайынды ілікті. Олар есірткі заттарын «бетбелгі қою» арқылы сатумен айналысқан.
«Жангелдин көшесінде тоқтатылған «Мерседес» маркалы көлігінен ұнтақты заты бар 10 полиэтилен байлам табылды және тәркіленді. Ал Шамелевада тоқтатылған «БМВ» маркалы көлігінен 20 байлам шөп табылды. Күдіктілердің жалдамалы пәтеріне рұқсат етілген тінту кезінде электронды таразылар, дозалап бөлуге арналған қасықтар, сондай-ақ оралған полиэтилен байламдары тәркіленді. Сараптама қорытындысы бойынша тәркіленген есірткінің жалпы салмағы 3,5 келіден асады», — деді, экстремизмге қарсы күрес Басқармасының басшысы Дархан Әбіқұлов.
Алатау аудандық ПБ аса ірі көлемде есірткі заттарын сақтау және сату дерегі бойынша қылмыстық іс тергелуде.
Полиция қызметкерлері есірткіні Алматыға жеткізу арнасын анықтауда.
ҚР ҚК-нің 201 бабына сәйкес өзге ақпарат тергеу мүддесіне орай жария етілмейді.
ҚР Конституциясының 77 бабы 3-бөлімі, 1-тармағы, ҚР ҚК-нің 19-бабы 1-тармағына сай кез келген азамат сот шешімі заңды күшіне енгенге дейін кінәсіз деп саналады.
Алматы қаласы
