«Бұл батырлық емес, бұл менің міндетім»: Шымкент полицейлері суға батып бара жатқан әйелді құтқарды. Бұл туралы Шымкент қаласы полиция департаментінің баспасөз қызметі.
Төтенше оқиға кеше түстен кейінгі уақытта орын алды. Көпірден өзенге секірген әйелді кездейсоқ куәгер байқап қалып, полицияға хабарлаған.
Оқиға орнына патрульдік автоэкипаж жедел жетті.
Бір секундқа да баяулатпай, инспектор Нұрислам Құдайберген батып бара жатқан әйелді құтқару үшін суға түсті. Полицей оны киімінен ұстап, әріптестерінің көмегімен жағаға шығарды.
– Бізде ойлануға уақыт болған жоқ. Азаматшаны көріп, мен бірден оны алып шығуға асықтым, тіпті судың қаншалықты салқын екенін сезбеппін. Әлбетте, әйелді жағаға шығару әріптестерімнің көмегінсіз мүмкін болмас еді, – дейді Нұрислам. – Өзім туралы, әрине, соңғы орында ойладым. Бұл батырлық емес, бұл менің міндетім. Өйткені, адам өмірі тәуекелге тұрарлық, – деп ойын білдірді тәртіп сақшысы.
Қуанышқа орай, азаматша зардап шеккен жоқ. Полиция қызметкерлері оны дәрігерлерге тапсырды.
Мұндай қадамға ол мас күйінде барғаны белгілі болды.
Шымкент қаласы
