М.Әуезов атындағы ОҚУ-нің дәріс залында өткен көшпелі сот отырысында Шымкент қаласының Қылмыстық істер жөніндегі мамандандырылған ауданаралық сотының төрағасы С.Темірәлиев үкім оқыды. Бұл туралы ҚіЖМА соты мәлімдеді.
Сот, ҚК-нің 297 — бабының 3 — бөлігінің 1,3,5 — тармақтарымен айыпталған, 1999 жылы туылған, Б.-ны 10 жылға бас бостандығынан айырды.
Көшпелі сот отырысын университетте студенттердің қатысуымен өткізудегі мақсат, жастар арасында заңсыз есірткі айналымы мен оны заңсыз өткізу, пайдалану сияқты қылмыстардың алдын-алу — деді төраға.
Үкімді оқып болған соң, С.Темірәлиев студенттермен түсіндірме жұмысын жүргізіп, «бұл сот отырысы, жастардың осындай қылмыстарға бармауы үшін, сабақ болуы тиіс!» — деді судья.
Шымкент қаласы
