Шығыс Қазақстан облысында полицейлер Өскеменге үш келіге жуық марихуана жеткізбек болған 39 жастағы ер адамды ұстады.
Күдікті есірткіні көліктің көзге түсе бермейтін жерлеріне мұқият жасырған. Тінту кезінде полицейлер дөңгелек аркаларының ішінен, есік қаптамасының артынан және артқы орындықтардың арасынан өсімдік тектес зат салынған алты орама тапты.
Сараптама тәркіленген заттың кептірілген марихуана екенін растады. Жалпы салмағы шамамен үш келі.
Тергеу мәліметінше, ер адам есірткіні басқа өңірден Өскеменге әрі қарай өткізу мақсатында алып келген.
Аталған факті бойынша қылмыстық іс қозғалып, күдікті уақытша ұстау изоляторына қамалды.
