Қала және ауыл мектептерінің білім беру сапасында // әлі күнге дейін айтарлықтай алшақтық сақталып отыр- деп хабарлады «Астарлы ақиқат» ақпарат агенттігі Ақорда баспасөз қызметіне сілтеме жасап.
Апаттық жағдайдағы және үш ауысымды мектептердің мәселесі әлі де өзекті.
Бұдан бөлек, білім беру ұйымдарының материалдық-техникалық базасы мардымсыз.
Бұл мәселе жағдайды ушықтырмаса, жеңілдетіп тұрған жоқ.
Кәсіби білікті мамандар тапшы, түлектердің көпшілігі еңбек нарығының талаптарына сай келмеуде.
Аталған мәселелерді шешу үшін «Педагогтың мәртебесі туралы» Заң жобасы әзірленіп жатыр.
Бұл жұмысты жыл соңына дейін аяқтау қажет.
Ең басты мақсат – мұғалімдер осы Заңның игілігін, пайдасын сезінуі тиіс.
Білім саласымен қатар, ғылымның дамуына тиісті көңіл бөлу қажет-деді Президентіміз Қасым-Жомарт Тоқаев
