Маңғыстау облысы полиция департаменті «ЕСІРТКІГЕ ЖОЛ ЖОҚ!»-акциясын өткізгенін хабарлады, департамент баспасөз қызметі.
Қазақстан Республикасының Ішкі істер министрі полиция генерал-лейтенанты Е.Тұрғымбаевтың тапсырмаларын орындау мақсатында Маңғыстау облысы полиция департаментінің есірткі қылмысына қарсы іс-қимыл басқармасының қызметкерлері Ақтау қаласында еріктілер мен жастар орталықтарының белсенділерінің қатысуымен «Есірткіге жол жоқ» акциясын өткізуде.
Акция аясында жастар мен тұрғындар арасында есірткіге қарсы иммунитетті қалыптастыру, салауатты өмір салтын насихаттау, қабылданған шектеулер мен карантиндік шараларды сақтау қажеттілігі (маскаларды міндетті түрде кию және әлеуметтік қашықтық ережелерін сақтау), коронавирустық инфекцияның таралуына қарсы күрес және азаматтардың денсаулығын сақтау мақсатында «Есірткіге жол жоқ» акциясының логотипі бар бірнеше рет қолданылатын маскаларды барлық азаматтарға (маскасыз қоғамдық орындарда жүрген) өтеусіз тарату жүргізіледі. Маңғыстау облысы
