Алматы облысының Текелі қаласында, білім беру ұйымының қызметіне жалпы қамқорлық көрсету үшін пара алу фактісі анықталды. Бұл туралы ҚР Сыбайлас жемқорлыққа қарсы қызмет хабарлады.
Алматы облысы бойынша Сыбайлас жемқорлыққа қарсы қызмет «Текелі қаласы әкімдігінің халықты жұмыспен қамту орталығы» КММ директорына қатысты «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы» бойынша бюджет қаражатына халыққа қысқа мерзімді кәсіптік оқытуды жүзеге асыратын Текелі қаласының жеке білім беру ұйымының қызметіне жалпы қамқорлық көрсету үшін пара алу фактісі бойынша сотқа дейінгі тергеуді бастады. Тергеу жалғасуда.
