Әлеуметтік желілерге мониторинг жүргізу барысында Түркістан облысы Полиция департаментінің полицейлері белгісіз ер адамның кәмелетке толмаған баланы ұрып-соғып жатқан бейнежазбасын анықтады. Тексеру барысында оқиғаның Қазығұрт ауданында болғаны айқындалды.
Аталған жайтты полицейлер ҚР ҚК-нің 110-бабы «Азаптау» бойынша Қазығұрт АПБ-нің СДТБТ-не тіркеді . Кінәлі азамат заңды түрде жауапқа тартылатын болады. Сонымен қатар, аудандық учаскелік полиция инспекторына қатысты қызметтік тексеру жүргізілуде.
Қазіргі уақытта аталған жайттың толық мән-жайы анықталуда.
Түркістан облысы
