Анықтаушылар көп балалы отбасыға көмір түсіріп берді-деп мәлімдеді, Шымкент қаласы полиция департаментінің баспасөз қызметі.
Шымкент қаласы Полиция департаменті Қаратау ауданы Полиция басқармасының анықтау бөлімінің жеке құрамы көп балалы жанұяға 1,5 тонна көмір түсіріп берді. Пахтакор-2 шағын ауданының тұрғыны Феруза Алиева 6 баланың анасы. Ауа райы суытып аяз түскен сәтте көп балалы ананың қысқы отыны таусылып, бала-шағасы тоңған. Көмекке мұқтаж жанұя туралы естіген тәртіп сақшылары бір ауыздан қайырымдылық көмек көрсетуге ниеттенген. Нәтижесінде ұл-қызын жалғыз өзі өсіріп отырған азаматшаның шаңырағына арнайы барған полицейлер қысқы отын көмір мен тұрмыстық азық-түлік өнімдерін жеткізіп берді. Сондай-ақ жаңа жыл мерекесімен құттықтап, бүлдіршіндерге сыйлықтар тарту етті. Айта кететін жайт, аталған жанұяға тәртіп сақшылары осыған дейін де көмек көрсеткен болатын. Бала-шағасының қамын ойлап, алаңдап отырған ана қайырмыдылық жасаған Қаратау ауданы Полиция басқармасының анықтау бөлімінің жеке құрамына алғысын білдіріп, рахметін жеткізді.
Шымкент қаласы
