Түтінге тұншыққан қыздар құтқарылды. Бұл туралы Батыс Қазақстан облысы, төтенше жағдайлар департаментінің баспасөз қызметі мәлімдеді.
Ағымдағы жылдың 3 ақпанында Орал қаласы, Ақотау көшесі, 24/1 мекенжайында орналасқан 5 қабатты көп пәтерлі тұрғын үйдің 4-қабатындағы пәтерлердің бірінен өрт шығып, тұрғындар эвакуацияланды, эвакуациялау барысында балалардың жылап жатқан дауыстары естілді. Өрт сөндіруші-құтқарушылар дереу пәтердің есігін бұзып, түтіннен қатты тұншығып жатқан балаларды далаға шығарып, жедел-жәрдем қызметкерлеріне тапсырды. Одан әрі өрт сөндіру қызметінің психологы балаларға психологиялық көмек көрсетіп, жедел жәрдем қызметімен бірге көпбейінді балалар ауруханасына аттанды, балалардың ата-анасы да аурухана жедел жетіп, қыздарын құтқарған өрт сөндіру қызметінің барлық қызметкерлеріне Алғысын білдірді.
Батыс Қазақстан облысы
