«Қызылорда жылу электр орталығы» МКК бойынша, Қызылорда облысы әкімдігінің баспасөз қызметі ресми ақпарат берді.
16 наурыз 2021 жылы сағ:20-42 «KEGOK» АҚ-ның 220 кВ электр желісінде кернеудің төмендеуінен электр энергияның өшірілуі орын алды.
Соның салдарынан Қызылорда қаласы және 5 аудан тұтынушылары электр энергиясынан ажыратылды.
Сонымен бірге Қызылорда ЖЭО-ы қызметінің тоқтауына әкеп соқтырды. Соның ішінде Қызылорда ЖЭО-да бу қазандығының қорғаныс құрылғысы іске қосылып, артық буды атмосфераға тастау қызметі туындады. Кәсіпорынның негізгі қондырғыларында ешқандай ақау орын алған жоқ.
Қазіргі таңда, «KEGOK» АҚ-ы Қызылорда қаласын электрмен жабдықтау үшін электр желісінде кернеулерді қалпына келтіру бойынша жұмыстар жүргізуде.
17 наурыз сағ:00.30 — да Қызылорда ЖЭО-на қарасты барлық қазандықтар іске қосылып, жылу желілерінің гидравликалық және температуралық режимі қалпына келтіруде.
Қызылорда облысы
