Индерлік полицей Nomad ММА бойынша республикалық чемпионатынан 1 орынды қанжығалады. Бұл туралы Атырау облысы полиция департаментінің баспасөз қызметі жариялады.
Қуандық Сырымұлы Бекназаров — Индер АПБ ЖПҚБ ювеналдық полиция тобының кәмелетке толмағандар істері жөніндегі учаскелік полиция инспекторы полиция аға лейтенанты. Ол — Атырау қаласында Қазақстан Республикасы Тәуелсіздігінің 30 жылдығы аясында өткен Nomad MMA спорты бойынша республикалық турнирде 1 орынды жеңіп алды.
Полиция аға лейтенанты бұған дейін де Қарағанды қаласында өткен Nomad MMA спорты бойынша өткен республикалық чемпионатқа қатысып, 2-ші орын иеленген болатын.
Атырау облысы
