Жамбылдық полицейлер Тұрар Рысқұлов ауданының тұрғынын марихуанамен ұстады. Бұл туралы, Жамбыл облысы полиция департаментінің баспасөз қызметі хабарлады.
«Рефлекс-2021» республикалық жедел-алдын алу іс-шарасын өткізу барысында Жамбыл облысының Полиция департаменті Есірткі қылмысына қарсы іс-қимыл басқармасының қызметкерлері жедел ақпаратты іске асыру мақсатында Тұрар Рысқұлов ауданының «Сарышорат» құмға жақын маңдағы аумағында жергілікті тұрғынды ұстады. Жақын маңдағы аумақты тексеру кезінде жалпы салмағы 6 келі «кептірілген марихуана» есірткі заты бар 1 қап табылып,тәркіленді.
«Аталған дерекке қатысты ҚР ҚК 296-бабының 4-бөлігі бойынша (Есірткі құралдарын, психотроптық заттарды, сол тектестерді аса ірі мөлшерде өткізу мақсатынсыз заңсыз дайындау, қайта өңдеу, сатып алу, сақтау, тасымалдау) сотқа дейінгі тергеу амалдары басталды. Ұсталған азамат кінәсін мойындап, уақытша ұстау изоляторына қамаққа алынды», — деп атап көрсетті Жамбыл облысы Полиция департаментінің Есірткі қылмысына қарсы іс-қимыл басқармасы бастығының міндетін атқарушы полиция подполковнигі Дінмұхамед Қойториев.
Жамбыл облысы
