Тәртіпсіздік кезінде Полиция департаментінен қару ұрлағандар ұсталды. Бұл туралы «Астарлы ақиқат» ақпарат агенттігі хабарлады Жамбыл облысы полиция департаментіне сілтеме жасап.
Жамбыл облысының Сарысу ауданы полиция бөлімінің қызметкерлері ведомствоаралық жедел-тергеу тобының қызметкерлерімен бірлесіп, арнайы жедел-іздестіру іс-шараларын жүргізу барысында Жаңатас қаласының тұрғынын ұстады.
Күдіктінің тұрғылықты мекенжайы бойынша тінту жүргізу кезінде үйінен 3 дана автомат, 121 дана оқ-дәрі және 1 газдан қорғанатын құрал (противогаз) алынды.
Тергеу барысында аталған атыс қарулары мен оқ-дәрілердің жаппай тәртіпсіздіктер кезінде Жамбыл облысы Полиция департаментінің қоймасынан ұрланғандығы және осы қылмысқа тағы 2 тұлғаның қатыстылығы анықталды.
Аталған дерек бойынша ҚР ҚК 287-бабының 3-бөлігімен сотқа дейінгі тергеу басталып, сотпен бір күдіктіге қатысты «үй-қамақ» және екі күдіктіге «күзетпен ұстау» түріндегі бұлтартпау шаралары қолданылды.
Жамбыл облысы
