Бес жас жігіт қарулы шабуыл жасап, 2,5 миллион теңгені тартып алған. Бұл туралы «Астарлы ақиқат» ақпарат агенттігі жариялады, Алматы қаласы полиция департаментіне сілтеме жасап.
Алматыда қарақшылық шабуылға қатысушылар ұсталды.
«Қылмыс Саина мен Ұлықбек көшелерінің қиылысына жақын жерде орын алған. Түнгі сағат он бірлер шамасында бес жас жігіт өтіп бара жатқан адамға шабуыл жасаған. Тонаушылар ер адамды пышақпен қорқытып, жәбірленушінің ұялы телефонын тартып алған және мобильді банкинг арқылы жалған есепшотқа 2 500 000 теңге аударуға мәжбүрлеген. Жедел-іздестіру іс-шаралары барысында күдіктілердің жеке басы анықталды, олар ұсталды. Бұл — Алматы облысының 2000, 2001 және 2003 жылы туған тұрғындары. Қалада жастар жалдамалы пәтерде тұрды, еш жерде жұмыс істемеді. Қазіргі уақытта күдіктілер уақытша ұстау изоляторына қамалды. Олардың әрекеттері ҚР ҚК-нің 192-бабы 3-бөлігі бойынша сараланды», — деп хабарлады, Әуезов аудандық полиция Басқармасының бастығы, полиция подполковнигі Ұлан Әбілқайыр.
Алматы қаласы
