Көктөбедегі өрт сөндірілді. Бұл турралы ҚР төтенше жағдайлар министрлігі мәлімдеді.
06 қыркүйек күні сағат 18: 58-де Алматы қаласы ТЖД өрт сөндірушілері Медеу ауданы, Жәнібеков көшесі 78 үй маңындағы мекенжайға жоғары дәрежедегі шақырту бойынша жіберілді.
Келген бойда алдын ала 3 га алаңда тау баурайы учаскелерінің жанғаны анықталды, қаланың өзара іс-қимыл қызметтерінің күштері мен құралдары дереу ұлғайтылды. Сөндіру күрделі рельефпен, желдің күшеюімен және күннің қараңғы уақытымен қиындады.
Қабылданған жедел шаралармен сағат 20:22-де толық оқшаулауға қол жеткізілді. Сағат 20:35-де өрт толықтай жойылды. Қаза болғандар мен зардап шеккендер жоқ.
Оқиға орнына 17 бірлік өрт сөндіру техникасы мен суару машиналары және жеке құрамнан 130 адам жұмылдырылды.
Алматы қаласы
