Әкім орынбасары 15 тәулікке қамаққа алынып, 7 жылға автокөлікті басқару құқығынан айырылды. Бұл туралы «Астарлы ақиқат» ақпарат агенттігі жариялады,
Көкшетау қаласының әкімшілік құқық бұзушылықтар жөніндегі мамандандырылған сотына сілтеме жасап.
Ақмола облысы Зеренді ауданы әкімінің орынбасары «Б.»-ға қатысты Әкімшілік құқық бұзушылық туралы кодекстің 608-бабының 1-бөлігі бойынша құқық бұзушылық туралы іс (көлік құралын мас күйінде басқару) бойынша сотта «Б.» орташа дәрежелі мас күйінде автокөлікті басқарғаны және оны полиция қызметкерлері тоқтатқаны сотта анықталды.
Сот қаулысымен «Б.»-ға көлік құралдарын басқару құқығынан 7 жылға айырумен 15 тәулікке әкімшілік қамаққа алу жазасы тағайындалды.
Сонымен қатар, сот шара қолдану мақсатында, облыс әкімінің атына жеке қаулы шығарды, оған құқық бұзушылыққа жол бергені туралы назарға алынды.
Сот актілері заңды күшіне енген жоқ.
Көкшетау қаласы
