Бүйрегін сатуға заңсыз мәмілеге оқталғаны үшін сотталды. Бұл туралы Ақмола облысы соттары мәлімдеме жасады.
Ақтөбе қаласының 25 жастағы тұрғыны «К.» бүйрегін сату бойынша заңсыз мәміле жасауға оқталған (ҚК-нің 24-бабының 3-бөлігі, 116 бабының 1-бөлігі).
Ер азамат әлеуметтік желіде шарттық баға бойынша өзінің ішкі органын сату туралы хабарландыру жариялаған. Полиция қызметкерлерімен ерікті түрде жәрдемдескен тұлға қылмыстық әрекетті имитациялау барысында сатып алушы болып, «К.»-мен мәміле жасауға келіскен. Заңсыз мәміле жасау кезінде «К.» ұсталған.
Қылмыстық іс сотталушымен кінәсін мойындау туралы процестік келісіммен сотқа түсті.
Сот жазаны тағайындауда кінәлінің шын жүректен өкінуін жеңілдететін мән-жай ретінде, сондай-ақ ауырлататын мән-жайлардың болмауын есепке алды.
Сот үкімімен «К.»-ға шартты түрде 1 жыл 6 айға бас бостандығынан айыру жазасы тағайындалды. Сотталғанға пробациялық бақылау белгіленді.
Сот актісі заңды күшіне енген жоқ.
Ақмола облысы
Көкшетау қалалық соты
