Коронавирустық инфекциямен сырқаттанушылықтың өсуі Алматы, Нұр-сұлтан, Шымкент қалаларында, Ақтөбе және Алматы облыстарында жалғасуда. Бұл туралы бүгін ҚР Президенті жанындағы Орталық коммуникациялар қызметінде өткен брифингте Денсаулық сақтау министрі Алексей Цой хабарлады.
Қазақстан Республикасында 7 сәуірдегі жағдай бойынша COVID-19 оң нәтижесімен 258 917 науқас және КВИ-мен 50 955 жағдай тіркелді. КВИ+ бар 228 089 науқас және КВИ-мен ауыратын 49 290 науқас сауығып кетті. Алматы, Нұр-сұлтан, Шымкент қалаларында, Ақтөбе, Алматы облыстарында КВИ-мен сырқаттанушылықтың өсуі жалғасуда.
«Жалпы сырқаттанушылықтың 63%-ы Алматы, Нұр-сұлтан қалаларының және Алматы облысының тұрғындарына тиесілі, онда Алматы қаласында жағдайлардың тіркелуі ақпан айында тәулігіне 100 жағдайдан сәуір айында тәулігіне 600 жағдайға дейін артты. Нұр-сұлтан қаласында жағдайлардың саны ақпан айында тәулігіне 100 жағдайдан сәуір айында тәулігіне 500 жағдайға дейін артты. Алматы облысында ақпан айында 70 жағдайдан сәуір айында тәулігіне 270 жағдайға дейін», — деді А.Цой.
Эпидемиологиялық жағдай матрицасына сәйкес Қазақстан Республикасы Бір апта бойы жоғары қауіпті аймақта, яғни қызыл аймақта тұр. Сондай-ақ жоғары тәуекел аймағында (қызыл аймақта) 8 өңір бар: Алматы, Нұр-сұлтан қалалары, Батыс Қазақстан және Атырау, Ақтөбе, Ақмола, Қарағанды және Алматы облыстары, оның ішінде Алматы және Нұр-сұлтан қалалары қызыл аймақта бір ай бойы, Батыс Қазақстан облысы соңғы 20 күн бойы, Атырау облысы-соңғы 2 апта бойы, Ақтөбе және Алматы облыстары – апта бойы, Ақмола-2 күн бойы, Қарағанды – 1 күн бойы. Сары аймақта-Шымкент қаласы. Қалған 8 аймақ жасыл аймақта орналасқан.
Эпидемиологиялық жағдайдың нашарлауы байқалған, сары және қызыл аймақтарға көшкен өңірлерде байланыстарды қысқартуға және инфекцияның таралуына жол бермеуге бағытталған қосымша шектеу шаралары енгізілді.
