Атырау қаласының №2 сотында азаптау және азаптауға жәрдемдесу айыбымен 5 полиция қызметкеріне қатысты қылмыстық істі қарау барысында, үш полиция қызметкері А., М. және Ж. қылмысты ашу және полиция бөліміне жеткізілген азамат К.-дан мойындау айғақтарын алу мақсатында ұрып-соғу және тұншықтыру арқылы жәбірленушіге тән азабын келтіргені және сол қызметтік кабинетте болған С. және Т. азаптауды тоқтатпай, әрекетсіздік таныту арқылы азаптауға жәрдемдескені өз дәлелін тапты.
Судья, сотталушылар А.,М.,Ж.-ны ҚР ҚК-тің 146-бабының 2-бөлігінің 1-тармағы мен азаптау бойынша, С., Т.-ны ҚР ҚК-тің 28-бабының 5-бөлігі, 146-бабының 2-бөлігінің 1-тармағы яғни азаптауға жәрдемдесу бойынша кінәлі деп танып, оларға құқық қорғау органдарында қызмет атқару құқығынан 3 жыл мерзімге айыра отырып, 3 жылдан 4 жылға дейінгі мерзімге бас бостандығынан айыру түріндегі жаза тағайындады.
Сардар Әбдіжақия
Атырау облысы
Сот үкімі заңды күшіне енген жоқ.