Көкшетау қаласының тұрғындары, бұрын қылмыстық жауаптылыққа тартылған «А.» және соттылығы бар «С.» мен «Ж.» адамдар тобының алдын ала сөз байласуымен күш қолданып, қорқытып алғаны үшін ҚР ҚК 194-бабы 2-бөлігінің 1,2-тармақтары мен сараланып, қылмыстық іс Көкшетау қалалық сотына жолданған.
«А.», «С.» және «Ж.», сотқа дейінгі тергеп-тексеруі жеке іс жүргізуге бөлінген басқа да адамдар, елеусіз себепті пайдалана отырып, өздерінің танысы, бұрынғы сотталған «К.»-мен қақтығысты бастап, оны үй ішінде 5 сағаттан астам ұстаған және 5 000 АҚШ долларын талап еткені сотта анықталған.
Сотталушылар күш қолдану, қырып-жоюмен қорқытып, «К.»-дан оларға ақша беруді талап еткен. Бас тартуды алғаннан кейін, оның басы мен кеудесіне бірнеше рет соққан.
Нәтижесінде, «К.» өз көлігін бопсалалаушыларға беріп, ол туралы қолхат жазған. Сотталушылардың қылмыстық әрекеттерімен жәбірленушіге 2 500 000 теңге сомасында материалдық зиян келтірілген.
Сот «А.»-ның әрекеттерінде қылмыстардың қайталануы деп танып, «С.» және «Ж.» әрқайсысы 4 жылға, «А.» — 4 жыл 6 айға бас бостандығынан айыру жазасын кесті.
Көлік жәбірленушіге қайтарылды.
Сотүкімі заңды күшіне енген жоқ.
Ақмола облысы
