Ұлытау облысының кәмелетке толмағандардың істері жөніндегі мамандандырылған ауданаралық соты талап қоюшы Б.-ның жауапкер С.-ға ата-ана құқықтарынан айыру туралы талап қоюымен азаматтық іс қарады. Бұл туралы Ұлытау облысы соты жариялады
Талап қоюшы Б. жауапкер С.-ны кәмелетке толмаған балаларға қатысты ата-ана құқықтарынан айыру туралы талап қоюымен жүгініп, жауапкер өзіне қатысты аса ауыр қылмыс жасағанын, сот үкімі бойынша оны өлтіруге оқталғаны үшін сотталғанын көрсеткен.
Қазақстан Республикасының «Неке (ерлі-зайыптылық) және отбасы туралы» Кодексінің 75-бабының 2-бөлігінің талаптарына сәйкес ата-аналар өз баласының, жұбайының не отбасының басқа да мүшелерінің өмiрiне немесе денсаулығына қарсы қасақана қылмыстық құқық бұзушылық жасаған кезде ата-ана құқықтарынан айырылады.
Жауапкер өз жұбайының және балаларының анасының денсаулығына қатысты аса ауыр қылмыс жасаған, бұл соттың айыптау үкімімен расталады, осыған байланысты сот заң талаптарына сәйкес кәмелетке толмағандардың әкесін ата-ана құқықтарынан айыруға шешім қабылдады.
Кәмелетке толмағандар анасының тәрбиесіне қалдырылды.
Шешім заңды күшіне енген жоқ.
Ұлытау облысы
