Ұсталған рейдерлерден 100-ден астам пәтер, авто, ақша және зергерлік бұйымдар тәркіленді. Бұл туралы ҚР қаржы мониторинг агенттігі мәлімдеді.
1 просмотр Премьера состоялась 78 минут назад ҚМА «AV-Construction», «Profit trade ltd», “Azovita Aktau”, “Azovita Atyrau” және т.б. бірнеше ЖШС-ны рейдерлік жолмен басып алу фактісі бойынша сотқа дейінгі тергеу жүргізіп жатыр. Алдын ала болжам бойынша зардап шегушіге келтірілген шығын көлемі 18 млрд теңгеден астам қаражатты құрайды. Ағымдағы жылдың 14 шілдесінде Р.Бабаев, Т.Танашев, Д.Әбижанов және А.Алтыбасаровқа қатысты сот бұлтартпау шарасы – қамауға алуды санкциялады. Қоспаев, Шалин және Имашев халықаралық іздеуге жарияланды.
Мүлікті анықтау және тыйым салу шаралары қабылданды. Осылайша, соттың санкциясымен жоғарыда аталған азаматтардың 9 миллионға жуық АҚШ долларын құрайтын қаражаты, брендтік зергерлік бұйымдары: сақиналар, сырғалар, гауһар тасты алқалар табылып,қамауға алынды. Сонымен қатар, күдіктілер мен оларға қатысты тұлғалардың 154 жылжымайтын мүлік объектісі ұсталды: тұрғын үй кешендерінде 102 пәтер, 6 жеке үй, 28 тұрғын емес үй, 11 жер учаскесі, 1 сауда нысаны, 2 гараж, 4 көлік тұрағы. Rolls Royce, Mercedes-Benz, BMW, Tesla, Toyota, Land Rover, Lexus, Subaru, Hyundai сияқты 19 премиум маркалы көлік тәркіленді. Барлық көліктер 2018-2022 жылдар аралығында шығарылған. Сотқа дейінгі тергеу жалғасуда. Қазақстан Республикасы Қылмыстық-процестік кодексінің 201-бабына сәйкес өзге де мәліметтер жария етілуге жатпайды. Қаржылық мониторинг органдарына аталған топ мүшелерінің рейдерлік әрекетінен зардап шеккен азаматтардан арыздар әлі де келіп түсуде. Осыған орай, Қоспаевтың және басқа да тұлғалардың әрекетінен зардап шеккен кәсіпкерлерді ҚМА немесе аумақтық департаменттерге хабарласуға шақырамыз.
